PHONE THAM RUANGIH RAWLSUANG THEIHNGILH INNSANGNU AN PA IN THAT

West Bengal, Kolkata ih um Surajit Pal cun social media addict ruang ih rawlsuang, thilsawp le innsang hnaṭuan theihhngilh ṭheu tu a nu pi a that thu a phuang aw. Innteknu hi social media addict asi ih zing, suun, zaan rorin phone a thlah dah lo.Tlawngkai nithum ni an pa hnaṭuan nak in inn a thlen ah rawl a rak suang hrih lo ruangih buai thok an si.

An pa cun an nu hi tlangval thup a nei ding ti a zum nak hngirṭeu cia le rawlsuan, thilsawp tiang hngilh khawp ih phone a tham ringring mitkem phah ruang ah nam te thawn a sat ih cu hnu ah towel thawn a hngawng in a rek. An nu a thi veten a thin a phang ih a mahte thataw tum ih a kut ngel ah namte thawn a artaw nan a ngam sallo ih band-aids thawn a phit hnu ah a tlan hlo.

Innteknu ruak cu a fapa in a hmu ih police pawl hnen ah a report. Police pawl in thilumdaan an zoh tik ah an pa si ding an zum ih an hawl nan an hmu lo. Asinan tlawngkai nili ni ah a mahten police zung ah a upaw sal ih a that dan a phuang aw thluh.