PHUN 12 TLAWNGTA IN WARNING APEKTU AN PRINCIPAL NU KAPTHAT

INDIA:::Haryana, Yamunanagar ih um phun 12 kai rero lai in tlawng cawl taktuk ruangih warning apektu an tlawng Principal kum 46 mi cu a pa`h meithal hmangin a kapthat.

Police pawl ih simdaan ah a kaptu tlawngta kum 18 mi hi an tlawng Swami Vivekananda Public School parent-teacher meeting anneilai zerhteni zinglam 10:30 hrawng ah an principal Ritu Chhabra office ah lut in meithal thawn a va kap. A lu le a awm ah voihnih a kapngah ih sizung ah an tlanpi nan a nat tuartheilo in athi.

principal Ritu Chhabra
Principal Ritu Chhabra

Tlawngta pa cu a hmai tuamin a kap ṭheh veten a tlanhlo tumnan tlawng meeting dingih arami nu le pa pawl leh security pawl in an kai man ih police kut ah an up. Police pawl in a hmin cu an phuangduhlo ih a rangtheitawk ih thurelsak an tum.

A kaptu tlawngta pa hi mi zuva deuh a si ih ca zuamlo le tlawng a cawl ṭheu ruangah tlawngtadang pawl hmaiah hrem a tuar ṭheu ih an principal in hivek ziin ih na um cun atu monday pre-board exam ah exam natuah theilo ding ti`n warning pek ruangah a kapthat naksan a si.