POPE FRANCIS IN THAWNGTLAK MINUNG 12 PAWL IH KE A KHAWLH SAK HAI (+VIDEO)

Jesuh in dungthluntu minung 12 pawl ih ke a khawlh sak hai bangin Pope Francis cun tlawngkai ni 4 “Mass of the Lord’s Supper” ah Rome, Regina Coeli thawnginn ih thawngtlak minung 12 pawl ih ke a khawlh sak hai.

Ke a khawlh sak mi thawngtlak minung 12 pawl cu ram dangdang mi an si ih Italy mi 4, Philippine 2, Morocco 2, Moldava 1, Colombia 1, Nigeria 1 le Sierra Leone ram mi pawl an si. Biaknak lam khalah an bang aw hai lo ih Catholic 8, Muslim 2, Orthodox le Buddhist biak pawl an si ih “Nan mah vekin misual ka rak si. Asinan tu ah cun Jesuh ih palai ka si zo. Pathian in ziang tik hman ah in tlansan dah lo, in ngaithiam theinak khal cem ni a nei lo” ti`n Pope Francis cun thucahnak a nei ta hai.