President Trump thawn tongawnak ah Kim Jong Un in EK-INN a keng

Khualtlawn sukso nakah a mai` hman ding thilri, ei-in le thil ṭukṭak te tiang keng ringring tu North Korea hruaitu Kim Jong Un cun tuṭum U.S. president Donald Trump thawn an tongawnak Singapore ram khal ah a mai` buulpak hrang ih tuahmi EK-inn a keng ti a si.

Ziangruangah?
A ek rim midang ih hnim ding a duh lo ti a si.
“A ek ihsin a harhdamnak ziangvek dinhmun a si timi theih atheih ruangah midang ek-inn ih thawh a duhlo naksan a si” tiin ṭuanvo neitu Lee Yun-keol in Washington Post hnen ah a sim.

A vanzam tomi khal kapthlaktu an rak umding a phan ruangah nazi 1 dan in vanzam pathum a zuang ter tiin news ṭhenkhat cun an tarlang.

2015 kum ih report nak vek a si le Kim Jong Un cun an ramsung a khualtlawn suksonak khalah Ek-inn a keng tel ringring ti a si. Amai` hrang ih an tuah mi tlaangleeng, mawṭaw fate sungtiang khalah ek-inn a tuah ter ih khawimi mawṭaw bikah a to ti thei theihlo dingin cuvek mawṭaw pawl cu tamzet a tuah ter ih a fehnak tinkim ah a thlun ter ringring.

Tuṭum president Trump thawn an tongawk hlan ah a hman dingmi ek-inn cu IL-76 vanzam thawn Singapore ram ah a kuat hmaisa ih a mai` todingmi cerek teilo mawṭaw khal cuih vanzam thawn a kuat cih.

ref:::IT,CBS