RAKHINE RAM TIPIKAP AH WAYLAHNGA THICIA AN HMU LALA

Thlanglam Rakhine ::: Tipikap ih um ManAung khua thawn peng 27 hlatnak khuate Buatmyat kiang tikap ah a thi cia mi waylahnga (ေဝလငါ:) tumzet an hmu thu theih asi.

A saulam ah 43ft asau ih a tumlam ah 25ft hrawng in a tum. A taksa a toih nawn zo ih February ni 2 zaanlam nazi 6 hrawng ih an hmu mi asi. January 11 khal ah ManAung kiang khuate pakhat ah 20ft sau, tumlam 15ft waylahnga a thicia an rak hmu dah.

ManAung khua kiang tipikap um pawl hin waylahnga an hmu thei zet ih 2016 september thla khalah saulam 22ft, tumlam 8ft waylahnga dum a nunglai in tikap ih tartahak mi an hmu ih tipi sung ah an rak thlahsal dah.

Kawlram cozah in Rakhine thlanglam tipikap an hmuṭheu mi nga danglam pawl hi kai a sianglo ih a thicia ih hmu asi khalle ṭhatak ih phum ding in mipi a forhfial.