RAM TAMNAWN IN VAN PAR IH MEISAALH TLAK MI AN HMU

van par ihsin meisaalh hlum atlak mi zerhkhat dan ih a hmutu British, Russia le Peru ram mipi pawl cu lungphang in an mang a bang.

A netabik a tlak mi a hmu tu hi Peru ram ih Andean community pawl an si ih a tlaknak an zoh tikah thirhlum tum ngaingai an hmu. Ziang a si ti le an thei si lo ih mangbang in an thin a phang zet. Brazil le Peru ram karlak ih khua pakhat khal ah a tlak ve ih a tlak lai video zuk in online khal ah an post. Mi ṭhenkhat cun boruak par ih um lungto (meteorite) siding ti an zum nan Peruvian Air Force in Russia space rocket siat mi leilung par ih a rung tlaksalmi asi ti`n confirm nak thu a run phuang leh sal.

Brazil ram ih Meteorologist Alejandro Fonesca thuneitu khal in meteorite cu asi theilo, tulai boruak kan zoh ah meteorite leilung par ih a tlak ding awmang a um lo ti thu a run sim bet. An simdanvek asile thirhlumpi hi Russia rocket SL-23 fuel tank asi ih Vietnam ah khal 2016 ah arak tlak dah.

Van par ih meisaalh tlak hi tulai an hmu tamzet ih December 31 zaan lawng ah meisaalh tlak hmutu ih report nak 700 an dong thu International Meteor Organization in sim rel nak a nei.