RAMHLA SAKLAI IH KHUKBIL PAWL TRUMP IN SOISEL LALA

US President Donald Trump cun zerhpini an tuah mi Super Bowl ih US ramhla sak lai khuk a bil tu NFL player pawl a soisel lala.

Trump in “ramhla kan sak cun thinlung tak, ram upatnak le sunglawi takih sak ding asi. Ramhla sak lai ih khukbil tu kha NFL neitu in “khai khukbil uicopa kha tu rori ah football field in suak ter uh, an team ihsin dawi hngalh uh” tiih action lak hngalh ding asi nan” ti`n mawhpuh thinheng phah in a sim.

Ziang ruangah khuk an bil???
US ramsung taksa vuun rong bangawlo mipi thleidannak a umlo dingin le Police pawl in an mipi pawl par ih duhtawk kut an thlak mi a um nawnlo nak ding hrang ih awnailo duhphawrhnak an nei mi asi.

Mipi lak khal ah an hmuhdaan a bangawlo. Mi ṭhenkhat in an lungkimpi ih ramhla saklaiah cun upatnak thawn dinghmun rori ih sak ding titu khal an um.

Awnailo Duhphawrhnak an nei mi hi NFL pi cun theihpi in an ramsung miharsa, criminal justice reform nak le community dangdang ih paisa an hlumi $100 million a kim zo.