ROMANIA RAM IH NUPA TTHENAWTUM PAWL AN RET LAWK NAK “divorce reconciliation room”

15th-Century lai ih an saksuak mi Biertan Village, Transylvania, Romania ih BiakInn cu divorce reconciliation room timi nupa tthenaw tum pawl an tthenaw hlante ih umtlang nakding room fate pakhat an tuah.

An khawsung um nupa buainak nei ih tthenaw tum pohpoh cu an Bishop in an biakinn divorce reconciliation room ah zerhhnih sung um tlang ding in a khum hai. Room sungah cun itkhun fate pakhat, cabuai fate pakhat, khuat, kheng, haite pakhat lawng an ret. A sung ih um ding cun ziang tlukih huataw, remawlo an si hmanah hi thilri pawl hi lungrual zetih hman tlang tengteng a ttul ruang ah zerhhnih sung ah cun an rem aw man sal ttheu.

An tuahsan khal cu nupa tthenaw a mal theinak dingah a si ih, an record nakah hi divorce reconciliation room sung tiang thleng nupa tthenaw tum lak ihsin kum 300 sungah a tthenaw lanta nupa khuahkhat lawng an um.