RUKRU SI DING IH AN ZUM MI MIBURPI IN AN VUAK THAT HNU AH SELFIE AN ZUK PI (+video)

INDIA:::Kerala, Palakkad khua ih um kum 27 mi Madhu cu rukru ah puh in an khuasung mibur in an vuak that hnu ah selfie an zuk pi.

Tlawngkia nili zaanlam ih thilcang a si ih Madhu cu an um nak kiang dawr ta fangfai fir ah an puh ih miburpi in an kulh thluh hnu ah a bawngbite thawn a kut an ṭem sak. A vaidip an check sak in duhtawk in an vuak ih selfie an zuk pi hnu ah palik kut ah an ap.

Palik pawl ih sim vek a si le Mandhu hi thluak lam buainak a nei an zum ih palik zung an thleng hlan ah an vuaknak nat tuarlo in palik mawṭaw par ah a thi.

Hih thu thawn pehpar in Palik lam ih ṭuanvoneitu pakhat cun, “khuatlang ih mivuak that tivek hi cu thil cang thei a si lo. Kan ram daan pahbal a si. Ngaithaim thei khal an si lo. Curuang ah hi thuthawn pehpar in mi kaai mi kan nei zo ih kan zingzoi vivo bet ding” ti`n a sim.