SATAN BIAK ILLUMINATI THAWN PEHTLEIHNAK NEI ZUM RUANGAH RIHANA SENEGAL RAM LUT DING AN KHAM

Senegal ramsung ih Global Partnership for Education conference nei ding feh hlasakthiam Rihanna cu an ramsung ih biaknak 30 pawlkom in satan biak ILLUMINATI thawn pehtleihawnak anei ti an zum ruangah an ramsung lut lo ding in an ram President hnen ah an dil nan an hlawh tlinglo.

A dodaltu pawl hi zahmawh bangaw neiaw dodal zettu an si ih an hotu in “Rihanna hi satan biak asinak a thupawlo. A hla le video sung khalah a lang ter ringring. Tu kan ramsung a luttumnak khal hi ILLUMINATI pawl ih thlahmi asilo ti simtheih asilo hlei ah zahmawh bangaw zalennak a support zettu asi. Curuangah kan nih Islam biaknak thianghlim biaktu ramsung lut kan sianglo” ti`n news reporter hnen ah asim.

Rihanna
Rihanna ::: Na pathian in naduhmi a lo pek theilo cun a lo pek theitu pathian hawl aw.

Asinan an duhlonak thu an sim mi pawl cu an President in zianghman let loin a um ih Rihanna khal cu tluangten an ramsung ah a lut thei. An ramsung zirnaklam an cak vivo theinak dingih antuahmi Global Partnership for Education conference khal cu French president le Senegal president hohanak in tluangten an tuahsuak zo.

Senegal ram um 90% hi muslim an si nan an ramsung um Christian pawl thawn lungrual buainak umlo te ih puai hmangtlang ringring thei ram an si.