SIZUNG IH HMAN MI MRI MACHINE IN TLANGVAL ZUUK THAT

Mumbai sizung MRI scan nak room ih Oxygen cylinder kengphah ih lut tu tlangval pakhat cu MRI (Magnetic Resonance Imaging) machine in a zuuk that.

MRI machine ih zuuk that tuar Rajesh Maru (32) hi an sungkhat mina kil dingin sizung feh asi ih sizung hnaṭuantu in zunghruk, ṭhi, zipper um mi hnipuan, thir thawn a pehpar aw mi thilri lutpi an sianglo nak MRI scan nak room ah Oxygen bawm kengin lut a pawilo ti ruang ih lut asi ih a lut veten MRI machine cun a ken mi thir oxygen bawm le a mah minung cu a zuuk ih an bawm lohli nan a kawngaw nasatuk ruangah minute 10 hrawng ah a thi cih.

Rajesh Maru 32
Rajesh Maru 32

A sungkua pawl cun sizung ih hnaṭuantu pawl daithlang ruangih thilcangmi asi an ti ih thil um daan police pawl in an zoh rero lai.

Thir duhtawk ih hiipthei MRI machine
Thir duhtawk ih hiipthei MRI machine

A tha a cak zetmi MRI (Magnetic Resonance Imaging) scan nak machine hi tulai sizung cangkang deuh pawl ih nei ṭheh mi asi ih kan taksa um daan zohnak ih an hman mi cet a si.