SONY COMPANY IN ROBOT UI FIM “Aibo” A SUAH

Japanese electronics company Sony cun “Aibo” ti ih an ko mi robot ui fim cu a suah.

Hi Ui fim hi Sony company in 1999 ihsin a rak suah thawk zo nan 2006 ah suah nawnlo in a cawl lawk. 1999 kum ih an suah hmaisabik ttum ah 3000 an suah ih minute 20 ah an khawng thluh.

Tu a thar ih an suahsal mi cu a hlan an suahmi hnakin a fim cuang. Bawlung le saruh tivek khal a sar thei ih a kiangkap ih um minung pawl khal high 5 a pe thei. A neitu innsungsang zate ih hmel pawl khal a hminsin thei nan English le Japan ttong lawng a thei thiam hrih.

¥198,000 ($1,740) an ngen ih tu fang ah cun Japan ramsung lawng ah an zuar.