STATUE OF LIBERTY IH DUHSAN HREKKHAT

Liberty Island:::New York::::1885 kum ih French mipi in US mipi pawl hnenah American Revolution lai ih rualpi an rak si mi hngilhlonak le US in midumpawl salih an hman mi an titawpnak lungawipi in Statue of Liberty (Liberty Enlightening the World) an pek nak tu kum june thla in kum 133 a rei thlang ding ih hi Statue of Liberty a thuanthu le a duhsan hrekkhat….

✴Milem tuah thiam Frédéric Auguste Bartholdi in a design a tuah ih Gustave Eiffel (Eiffel Tower sak leh tu) in a sak suak…

✴Zarhkhat ah ni 7 (nazi 10) sung cawllo banglo in an sak ih kum 9 sung an rei. An sak ttheh ah a pakpak te`n an phawih tthehih a zuk lem piece 350 pawl cu pack ttheh in US ah an kuat. US a thleng hnu zuk lem piece 350 pawl an bun/pehzom sal nak ah thla 4 an rei.

✴305 feet a sang ih a tuahnak ah copper 31 tons le steel 125 tons hmang in 225 tons ( 450,000 pounds) in a rit.

✴An ret nak tikulh hi Bedloe Island ti`n an rak ko nan 1956 kum ah Liberty Island ti`n an thleng.

✴A kehlam kut ih a ken mi tablet ah US independence ngah ni (July 4,1776) Roman ca in a ngan aw “JULY IV MDCCLXXVI”

✴A hnipuan hruhmi in Roman pawlih an pathian nunau (goddess) “Libertas” a ti langih a ke thirhri khih a catt mi in zalennak “Freedom” a ti lang.

✴A lukhuh ah sangkate 25 a um ih feet 9 ih sau,150 pounds hrawng ih rit hling vekih a zum mi pa 7 a um. Hi a zum mi pa 7 in kan lelungpi ih a um mi tipi (oceans) pa 7 le seven continents of the world a ti lang.

✴An tuah ttheh ihsin tuni tiang teek in vawi 600 hrawng a kap zo nan rem ttul ding khawp in a siat hrih lo.

✴An sak nak ah $500,000 (tulai $10 million) hrawng an cem. An sak pekte ah Boston le Philadelphia in a tuah man cemliam kuan ttheh ih an mai khawsung ret dingin an dil nan an hlawhtlinglo. (an cemliam hi a ciang lo)

✴A vorhlam meifar a ken mi, tleu hin peng 24 hlat hrawng a tlet thei. Zaanlai tipi sung ih harsa tong pawl hmuh theih dingih an hmang ttheu mi Lighthouse ah kum 16 sung an rak hmang.

✴Statue Of Liberty an tungsuakni hi kumtinten an hmang ttheu ih tukum khal October thla sungih hman an tum….