SUPER BLUE BLOOD MOON ZAAN IH RAITHAWINAK AN HMAN MI NAUTE LU SAR

India, Hyderabad ::: Thla 5 hrawng ih upa si ding an zum mi naute lu cu Hyderabad, Chilka Nagar ih inn pakhat zaute (terrace) ah an sar.

A hmu hmaisabik tu hi innteknu Balalakshmi asi ih zingpit hnipuan pho ding in an zaute ah a feh lai ih a hmu mi asi. A hmu veten a innsungsang pawl a sim hai ih Police hnen ah an report.

Police pawl cun uico fim le 3D scan nak hmang in a kiangkap an zoh thluh nan naute ruang cu an hmu lo. Naute hi zo ih that mi asi ti cu an theihrihlo nan January 31, super blue blood moon suakzaan ih raithawinak an hmangmi siding an zum.

Khuahlanlai ihsin thlapi sen suakzaan le satan hi pehtleih awnak nei ding zum mi asi ih Satan khawzing biak pawl ih raithawinak an hman zaan khal asi. Satan biak tamsawn cun Satan ti lungawi dingin ramsa raithawinak ah an hmang ih minung rori hmang khal an um.