TAYACUAI NEH RUANGAH $710,000 LAKLUT TU DING ZAWHTE Grumpy Cat

Thinheng hmel pu ringring internet ih rak laar zet zawhte Grumpy Cat (Tardar Sauce) cun 2015 ihsin taya an cuai mi Grenade beverage company cu neh in $710,000 paisa a lak lut ding.

A neitu Tabatha Bundesen hi Morristown, Arizona ih um a si ih kum 2012 ah a zawhte zuk internet ih a post mi cu laar in a hminthang thok ih a waitress hnaṭuan cawl san in Grumpy Cat Limited timi company a din thok.

A Company cun zawhte zuk cuang angki, lukham, khuat, pen, bag tivek le cabu tiang in asuah. Mirang ram ah a laar tuk ih “today”, “Good Morning America” le “American Idol” tivek tiangah a lang. Company an din kumkhatnak ah $1 million in $100 million karlak paisa a laklut hngalh.

Tayacuai san
Hiti ih a hminthang ruangah Grenade beverage company cun a hmin hmangin “Grumpy Cat Grumppuccino” timi coffee suah dingin contact sign nak an nei. Nan 2015 ah an contact daan pahbal in “Grumpy Cat Roasted Coffee” ti`h hmin an thleng ruang ah taya an cuai nak san a si ih $710,000 kuan dingin lungkimnak an nei aw.