Tedim in Buannel tiang bike lamziin an ceek

Falam peng in Buannel tiah kan ko ih Tedim peng in “Len nupa” tiih an kawhnak hmun ah Tedim peng, Heilei khuami pawl cun bike lamziin, tlang ko an ceek tiah theih a si.

Cuih Buannel hmun nuam cu ke thawn lawng feh theinak hmun a siih Falam peng ihsin Ticirh le Khuaimual khua khal in Buannel thleng tiang lamziin cek sak dingah Chin ramkulh cozah hnen dilnak an nei.

Cutiih an dilnak ruangah CM Pu Salai Lian Luai le ṭuanvo neitu pawl khal in Ticirh le Khuaimual tiang kan dung thla ah hmunhma an zoh zo.

Heilei khuami pawl cun minung thazaang thawn rori phai-lai, tuhmui le thirfei pawl thawn kan dung zarh ah an va ceekmi mi a siih atu ah Buannel hmun tiang Heilei khua ihsin feh a theih zo tiah theih a si.

Buannel/Len nupa hmunram cu Falam le Tedim peng karlak ah a um ih Heilei ihsin peng 6 le furlong 3 tluk a hla.

Chinland Herald Daily News