TEK TLAK LE THEIHTULMI HREKKHAT

Falam ttong in Nimthlakau, Tektlak, Khuari kan ti pawl hi a tak ah cun a dangdang an si lo. Pakhat/pumkhat an rak si ziar. Awn-ai (sound) hi tleunak hnakin a feh muang ruangah Tek a tlak,a tleu zukzo mi kan hmu hnu lawng ih a awn kan thei nak san a si. (Tleunak hi second 1 ah 186217 mile (299,800 km) tluk cak in a feh thei ih Awn-ai/Sound a si le second 1 ah 1088 feet (332 meters) tluk cak in a feh).

Tektlak hi tih a nung zet ih kumkhat ah minung 2000 hrawng Tektlak ruangah an thi. Vanttha in a rak thi lo khal an um nan taksa zeng, thluak buai lole mibanglo ah an cang.

Tektlak hi a tlaknak pangai ah a tlak duh zet sal ih cu mi lak ih sin na humhim aw duh a si le a tleu le a awn na thei kar lak kha second ziang hmuah a si ti hmin sin aw la 5 thawn divide (÷) aw. Cumi ih a phi na ngah mi kha peng in ttuat aw. (tahtthimnak:::A tleu le a awn karlak second 10 rei bang sehla (5÷10=2) na um nak in peng 2 a hlat tinak a si.

Tek a tlak mi hi hmun hla zet a feh thei ih lightning bolt pakhat ah 1 billion volt (electricity) hrawng tluk in a tha a cak.

Curaungah tektlak lai ih bualaw hi a ttha lo. Tektlak mi in tidai na hman mi pipe line zawh in a lo tham ban thei.