THAILAND AIRPORT IH MI MIT LAK ZET AR-CANG LE A NEI TU

Thailand Suvarnabhumi airport ah a ke ih daimond hruh termi ar-cang le a neitu kum 60 mi cu mipi tamzet in lawm in an zuk ciamco.

Ar-cang keng ih airport feh Kallayanee Yimsiri hi kum 60 mi asi ih chinese rualpi hmuak dingin airport ih feh asi. Airport terminal thuah 4 nak ih sin a rualpi a hmuak mi asi ih tourists pawl in mak ti`n an zuk ciamco. Mipi zohtu neitam in an hel celcel ruangah security pawl in a ar-cang a leng ih suak pi ding in an fial. An report dan vek asile ar-cang hrukmi diamond hi 50000 baht man hrawng a si.

A neitu Ms Kallayanee sim mi vek asile a ar-cang hi a naute lai ihsin an enkol mi asi.Tuhlan kum 2 ah a fanu in lamzin ah damlo in a sar mi asi ih nurse pawl an enkol ter hnu ih damcak leh sal mi asi. Nitinten ti an bual ter ih a hrisel mi rawl lawng an pek. A fehnak kip ah a hruai ringring ih zaan khal le an bedroom ah ariak ve.