THANT MYINT-U IN INDIA RAM IH CIVILIAN AWARDS SANGBIK PADMA AWARD DONG

India ram Republic Day an hman ni ih sunlawihnak award ropitak an pek ṭheumi Padma awards cu kan kawlram mi Dr. Thant Myint-U in a dong ve.

Dr.Thant Myint-U hi United Nation General Secretary rak ṭuan dah U Thant ih tupa a si ih Yangon Heritage Trust dintu le chairman ṭuan rero lai asi. 2013 Foreign Policy Magazine ih hril mi “100 Leading Global Thinkers” lak ih rak telbanvetu khal a si ih 1996 ah Cambridge University ihsin PhD (History) a ngah.
New York Times, Washington Post le Los Angeles Times pawl hrangih ca a ngan sakmi in “Asia Pacific Awards” tla a rak dongdah ih kan kawlram President advisor tla a rak ṭuan dah. Tu khalah Yangon Heritage Trust chairman si phah cingin (President of Myanmar’s) National Economic and Social Advisory Council member ah a tel.

Ziangvek hna pawl arak ṭuan dah ti nazohduh le hinah hmet Thant Myint-U

Padma Awards
The Padma Awards hi india cozah in mipi a pekmi civilian Awards lak ih a sangbik mi awards asi ih Padma Vibhushan, Padma Bhushan le Padma Shri ti`n phunthum in an ṭhen. Tukum a voi 69th nak India Republic Day ih sunlawihnak Padma Awards an pekmi hi minung 85 an si ih Dr.Thant Myint-U in mipi hrang a hnaṭuan sunlawihnak Padma Shri award a dong ve.