A THIH HLAN TE AH MEITHAL THAWN A KAP TU HMIN A PHUANG TA (video)

Ṭhitaw ding dil nak el ruang ah meithal thawn Pakistan fala nu kap that tu lak ih mi pakhat cu Pakistan palik pawl in an kai tiah theih a si.

Asma Rani, kum 3 nak kai Medical tlawngta cu Pakistan khuapi Islamabad thawn peng 120 hlatnak khua Kohat ah kap a tuar ih sizung ah an tlanpi nan a natnak tuarlo in a thi. A thih hlan te ah meithal thawn in kap tu Mr Mujahid Afridi a si ti a sim mi video cu online ah an thlah.

Mithi tu sungkhat pawl ih an sim daan ah cun Mr Afridi in an fanu Rani hnen ah neiaw dingin a dil ih a el ruangah a kap that. Tuhlan khal ah pasal ding ih in duh lo le ka lo kap ding ti`n a rak hringhro dah zo ti`n palik pawl hnen ah an sim.

Ms Rani ih upa Muhammad report daan ah cun an farnu thattu hi unau hnih an si ti a si. Palik pawl in thuhla an confirm hnu ah mithat tu nau ta deuh Mr Ullah cu an kai cih ih a u pa sawn tu cu an hawl nasa nan an hmu theilo.
An zum daan ah cun Rani a kap veten Saudi Arabia ram lam ah a tlan cih ding an zum ih tufang ah Interpol pawl in zingzoinak an nei rero lai.

An kaingah zo mi Sadiq Ullah
An kaingah zo mi Sadiq Ullah

Rani sungkhat pawl cun a kapthat tu pa ih uncle Aftab Alam hi Kohat ramkulh political party pakhat ih president a si ruang ah lal a si nak power hmangin a tupa a thup men thei ti zumnak an nei nan Mr Alam cun “Rani hi ka fanu vek rorin ka zoh mi a si ih a that tu zovek an si khal le a phu daan vekin thu ṭhensak ding a si” tiah a sim.

Hi thuhla ruangah Pakistan ramsung hmunhrekkhat ah duhphorhnak an nei ih zamrang theitawk ih hawl in thuṭhen sak ding ah Palik pawl hnen ah an dil.

ref:::DNA