THLA 5 MI NAUTE PAI CING IN HNATTUAN TUM THOTU SUNG TIN PAR

Kan Chin nanau lak ih hlasakthiam hminthang Sung Tin Par cun a pahnih nak nau a pai mi thla 5 a kim zo thu le a cakvak zet thu interview an nei nakah a sim.

MC website in interview an nei nak ah “nau ka pai mi thla 5 a kim zo. Tutiang cu a damcak zet ih tluangten ka neithei asile May thla hrawng ih nei ding kan beisei. Midang hminthang hrekkhat cu an hnattuan nak thawn laklawh ding phang in innsang din veten nau nei an duhlo nan kei cu zamrangten nei zang ka duh sawn. Ka duhthusam cun a tambik ah nau pa 3 nei hi a si ih tuhi a pahnih nak ka pai. Nu maw Pa a si ti cu kan theilo.Naute Pa 3 neitheilo hman ah nunau le mipa pakhat veve te tal nei thei seh la ka duh. Ka fapa te cu tualleng tlawng a kai thok zo” ti`n a sim.

Asile na naute pai mi thla 5 a kimzo ih hnattuan thotho na tum maw tin an sut tik ah “ka tum ko. A ralai dingmi February thla khal ah The Power Of 4 ဂီတဖျော်ဖြေ ih hlasak ka tum. A hmaisa nau ka pai lai khal ah thla 7 kimcingin stage par ah hla ka sak thotho. Pum tum thawn stage par ih hlasak khal hi အမှတ်တရ pakhat a rak si ve” tin a sim.