THUPHAN PUH RUANGAH THIN NA IN AWK AW THAT

A sentet lai ihsin Polio ruang ih ke thhalo dawnfawh zuar in pumcawmaw mi pakhat cu 15/1/2018 ni yangon ramtthen thar-ke-tah ah kheng thawn dawnfawh a zuar rero laiah motor in a pah ih a thil zuarmi lamzin ah a tlak thluh.

Lamzin par ta a thil tlakmi a sar rero lai cu mi pakhat in video a zuk ih online ah post in “mi hrokhrawl, a mahten a thlak hrim, mi ih zangfah in paisa bawm ding a duh ruangah a tuah hrimmi a si. Palik pawl hnenah report a ttul. Hivek minung nan hmu le rak bawm hlah uh” ti`n FB ah post.

A tuartu pa cun hrokhrawl in mi ka bum mi asilo. Motor in in sut taktak mi a si a ti nan zohman in an zum lo. Cumi a diklo mi post sawn cu internet ah a hung laar ciamco ih mi 3000 luan in an share sin bet ruangah thin na in 18/1/2018 zaanlam ah a awkthat aw.