TITANIC II KHUAL A TLAWNG THAWK THLANG DING

Minung 1500 luan nunnak liam in 1912 april 15 zinglam, North Atlantic Ocean ih vur khal tumpi pahngah ruangih a pil mi TITANIC vek ciah an tuahmi TITANIC II cu tu kum sung ah an tuahnak hmun Jiangsu, China ihsin Dubai lam pan in khual a tlawng thawk thlang ding.

TITANIC II neitu company Blue Star Line pty. Ltd. Brisbane, Australia ih Billionaire Clive cun 2016 ih hmang theih ding ti`n a rak phuang dah nan remcanglo nak ruang ah 2018 ah an thiinsal.

A tuah man ah $600 million hrawng an cem ih minung 2435 le hnattuantu 900 hrawng a phur ding. TITANIC I vek in swiming pool, Gym tivek tiangin a um ttheh ih santhar technology (satellite controls, digital navigation le radar systems tivekpawl) an bun tel cih.

A to man hi ziangzet ciah ti cu an phuanglo nan $1 million pek ih to thei ding ih sawmnak a dongtu tla an um hnuaihni zo.