TLAWNGINN IH MEITHAL PUAK TER TU KUM 12 MI NUNAU AN KAI

Los Angeles::: Tlawngta nunau kum 12 mi cu tlawng ih a ken mi meithal puak ter pang in mi 5 hriamhna a tuarter ruangah police pawl in an kai. Kum 12 ih nauhak asi ruang ah police pawl cun a hmin an sim duhlo.

Tlawngta kum 15 mi mipa pakhat a lu ah a kapngah ih kum 15 nunau khal a kut ngel ah a kapngah. Kum 11, 12, 30 mi, mi pathum khalin tithamlo hriamhma an tuar.

Meithal puaklai ih um ve tlawngtapawl simdaanvek asile meithal kengtu kum 12 mi cu methal a puak ṭheh veten ka tuah hrimmi asilo ti`n a ṭap ciamco an ti. Meithal a keng san cu theih asilo ih police pawl in thusutnak an nei rero lai.
January thlasung lawngah US ram ih tlawng inn sung meithalkap nak voithum a um zo.