TLAWNGKAINAK NEILO SYRIA NAUHAK PAWL HRANGAH CANGVAIHNAK AN NEI

World Vision Germany hohanak in Syria ramsung buainak ruangih nauhak raltlan 2.5 million an um mi lak ihsin nauhak raltlan 7,40,000 pawl in tlawngkainak an neilo timi langter nakah Berlin, Konzerthaus karbak ah teddy bear 740 retnak an nei.

Hih cangvaihnak an nei mi ah tlawngta nauhak tamzet an tel ih, karbak ih an ret mi teddy bear pakhat in tlawngkainak neilo syria nauhak 1000 a khih hmuh.

Syria ramsung camibuai nei lai ih an tlawnginn boom thawn kap tuar raltlan Hussam Alheraky cun, “kan ramsung buainak kum 7 a luan zo. Kum 7 timi hi menmen a si lo. Hi tluk ih rei thilcang zo a siih tuni tiang a cem thei ngaingailo hi cu leitlun mipi pawl hin in ngaihsak ngaingai lo si ding” tiah a sim ih ramsung ralbuai sung ih suak nauhak lakah tlawngkainak ding um lo ruangih mah hmin ngan thiamlo nauhak an um thu khal a sim bet.

Hih cangvaihnak ih an hman mi teddy bear pawl hi lehhnu ah Berlin le Jordan ih um raltlan nauhak pawl hrang ah World Vision Germany in a hlu tum.

Hram:::DNA