TRAFFIC JAM IN TERRORIST PAWL CANGVAI THEILO DING IN A KHAM TI RECORD VOIKHAT NAK

Bengaluru tiih an thleng zo mi Bangalore khawsung ih scientist le tlawngta hrekkhat seminar nei rero lai nak hmun IISc (Indian Institute of Science) cu terrorist pawl in 2005 December 28 zaan ah buaipi in va siatsuah an tum.

Nan, leitlun traffic jam lam ih hminthang Bengaluru a si vek in misual pawl cu an fehnak lamzin traffic jam lakah an tang ve ih an tumtah hmun an va thleng cu a tlai tuk zo. Seminar an rak tthehzo ih rawlei an rak tum lai fang lawng ah an va thleng.

Thinheng zet in an meithal kengmi cu an va kap thotho nan mitamzet an rak tlungzo ruangah an tumtah vek in an cangvai theilo ih mi pakhat lawng an va kapthat ngah. An kap thluh veten an lam ih ttang mi pakhat ih bawmnak in an tlan hlo.

Himi ttum ih misual pawl tlansuak ding ih rakbawmtu, tuikum sung ih an kai ngah mi Habib Mia ih simdanvek a si le hi IISc an kap zaan ah IIM (Indian Institute of Management) khal va siatsuah ve an tum nan traffic jam lak tang ruangih an hlawhtlinglo thu a phuang.

Bengaluru khua hi traffic a jam tuk ih na fehtumnak hmun google map in nazoh asile motor in minute 49 hrawng feh ttul nakah ke in na feh le minute 40 hrawng lawng na rei ding ti`n a lo sim ding.