Tthit um ni ih Mo-nu tthian kan hmang nak san

Mi hrekkhat in Nupi Pasa kan neih ni hnakih ni sunglawi a um lo an ti ttheu ih, mi hmuahhmuah hrangah cun a dik tthehlo hmanah mi tamsawn hrang ih ni sunglawibik a si ti cu el theih a si lo.

Hi kan ni sunglawibik ni ih kan kiang in dinpitu ding mo-nu tthian kan hmang ttheunaksan hi a bangaw ttheh lo men ding. Hnam daan thlun ruangah maw, Biaknak daan lole kan ni sunglawibik ni ah kan rual tthabik kan kiang ih dingin in telpi ding kan duh ruang ih kan hman nak khal a si thei.

Nan, khuahlan ih mo-nu tthian 3/4 lai hmang in mo-nu hrukmi hnipuan bang nawn an hruh ttheu nak san cu a danglam zet.

An tthit um ni, nisunglawi ah rak tibuai duhtu khawsia, khuavang, thlarau sual le hnam nei pawl in mo-nu an ti buai tum pang asile mo-nu zo bik a si ti theithiam theilo dingin khawsia, khuavang an bum duh ruangih an rak hmang ttheunaksan a rak si.