TUIKUM, KAWLRAM SUNG AH VOI 34 LINGHNIN ZO

Kawlram nikhua zohtupawl ih simdaanvek asile kum 2017 kumkhat sung ih linghnin mi hrek tluk hrawng cu tu kum January thlasung lawng ah ling a hnih zo.

Kum 2017 kawlram sung ah voi 70 lawng ling a hnin lai ah tu kum January thla sung ah cun voi 34 rori linghnin a suak zo. Asinan linghnin an theimi tamsawn cu after shock an si ih theihtham an si lo. Voi 34 rori linghnin record a umzo nak khal cu kan boruak asia vivo ruangah khal a si thei nan kan hman mi linghnin tah nak technology a cangkang tuk ruangah kan dung kum hnak ih tamsawn record a um nak khal asi thei ti`n simfiahnak an nei.

January thlasung linghnin record suakdaan zoh in Sagaing (စစ်ကိုင်း) ram ih 7 magnitude cak linghnin a suak ding an zum mi khal reilo te ah a cang cih ding ti zumnak an nei ih kawlram linghnin committee hotu Saw Ṭhuai Zaw(ဦးစောထွေးဇော်) cun “Linghnin ding kan ti tik ah thinphang hehe ih kan um hnakin kan um nak kiangkap thil um daan zoh sawn in ling a hnin tik le khawi nah hmun ka um le ka him ding tivek ruat cia ih ralringten kan um cia le kan hrang ah a ṭha sawn ding ih thih le hloh khal a mal deuh ding” ti`n sim nak a nei.

 

REF:::irrawaddy