UFC SUPER STAR RONDA ROUSEY IN WWE AH FULL-TIME IN KA TEL THLANG DING TI

Mix Martial Art khawvel ih fan neitambik UFC superstar Ronda Rousey cu World Wrestling Entertainment (WWE) ah full-time ih tel dingin WWE thawn final contact sign nak cawlhni sun ah an nei.

Ronda Rousey WWE khawvel ah lut a tum ti thu hi asuaknak a rei nawn zo ih mihrek cun thuphan thuthang men ah an ruat nan cawlhnizaan ih an tuah mi WWE Royal Rumble ah mipi pawl mangbang ter ṭheh in a hung suak thutthi. WWE Royal Rumble a neetnak nunau 30 an sualawnak ih pakhatnak ngahtu Japan mi Asuka hmai ah diing in kumkhat voikhat an tuahmi Wrestlemania ih tongaw dingin an ngairaw. 2015 khal ah the Rock thawn Wrestlemani ah an lang tlang ih a mah a lang ruangah WWE zohtu an nei tam phah thulh.

Ronda-Rousey-WWE
Ronda-Rousey-WWE

Ronda Rousey
1987 February 1 ni ih suak asi ih kum 21 a kim ah Beijing ih tuahmi 2008 Summer Olympics ah Judo sualawnak ah tel in Bronze medal s rak ngah. Sualaw thiam zet a si ih voi 11 a neh mi pawl cu first round ah an si thluh. UFC Women’s Bantamweight le Strikeforce Women’s Bantamweight ih champion tla a rak si dah.

2015 google ih hawltu neitambik pathumnak list khal ah a rak um dah ih ESPN pawl tla cun lehpannak lam ih nanau ropibik list ah an ret. Hollywood pawl ih an zukmi Fast and Furious 7, The Expendables 3 khal ah a tel ih a thuanthu khal cabu in a suah. Fan neitam vivo in a hminthang lai tak ah American ih kick boxing thiam Holly Holm thawn an sualaw ih rinlopin knockout tuar in a belt an long. A cak lo le a belt an long ruang ah tuar na tuk in a mah le mah thataw ding tiang in a tum lawk. Kum 1 luan a hlo bepbep hnu ah brazil MMA fighter Amanda nunes thawn an tongaw sal ih knockout a tuar lala.

Cu hnu in MMA khawvel a tlansan ih WWE ah tel dingin biakawnak an nei thok.