YE MIN PAING (ရဲမင်းပိုင်) KAWLRAM TLUNGSAL TUM

Kawlram lemcang khawvel ih hminthang dah Ye Min Paing (ရဲမင်းပိုင်) cu kum rei zet ramdang a um hnu ah January ni 30 ah kawlram lam tlungsal in MMA tlawng a ong tum thu FB ah a ṭar lang.

Tulai santhar nonawn pawl cun kan theilo men thei. 1990-2000 karlak hrawng, kawlram sualaw film cangthiambik list ih telve a si ih fan khal a nei tam zet.

MMA tlawng a din tum mi hi lemcang khawvel sualaw film ih cangduhpawl hrangah asi ih mipa 25 le nunau 5 hril a tum. Cumi lak ihsin thiam deuh cuang pawl a hril bet ding ih ဒဏ္ဍာရီ သူရဲကောင်း timi zuknung a mah thawn an cang tlang ding.

A mah hi Indianapolis ah sungkua thawn um an si ih a tumtah vek asi cun kawlram sung ih khaw dangdang ah vakin ဖျော်ဖြေပွဲ nei a tum ih cumi paisa a ngahmi pawl cu Charity hrang ih thawhsuak a tum.