ZOHMAN IH ONG NGAMLO/THEIHLO MI TEMPLE SANGKA

Thiruvananthapuram, Kerala, India ih um Padmanabhaswamy Temple cu leitlun huap temple pawl lakih lian bik a si vek in mi tam zet ih ngaihven hlawh zet mi temple a si ih tuhlan kum 5000 luan zo hrawng ih rak sak mi a si.

Hi temple hnuai ah sui le ngun, lungmankhung tamzet a um mi room (vault) 6 um in theih a si ih, 27 june 2011 ah Supreme Court of India sian nak in a sung lut an tum. (vault kan ti tik ah a fate men si lo in room pangai tiatzikte tluk hrawng ih tum a si)

A sung luttu ding pawl in a sung an luh lai record an tum phah ruangah theihthiam ol ding in hi Vault 6 pawl cu vault A,B,C,D,E,F ti`n hmin an pek. A voikhat a sung an luhnak ah room thar dang pahnih an hmu bet ih vault G le H ti`n hmin a pek ih record nak an nei. A sung um vault C,D,E,F pawl cu a hmai sabik an lut ah an ong suak ih a sung um sui le ngun, lungmankhung pawl cu lak in an ret ttha thluh.

30 june 2011 ah vault A cu an ong ih a sung ah an zum hnak ih let tam zet thil mankhung hlir an hmu ih an mang a bang. A sung ah cun sui, Diamond le lungmankhung ih tuah mi feet 3 le hrek tluk ih sang an pathian lem, siangpahrang sui tohkham, sui hlang ih tuah mi kg 500 rit sui thinghnah, sui le diamond ih tuah feet 18 sau taikhap, ram dangdang ih an rak hmangmi khuahlan sui paisa phunphun a belbel ih khah mi tvp.. an hmusuak ih a za ten $ 22 billion lenglo man pawl cu an hmu suak. An hmusuak mi Sui, Diamond le lungmankhung pawl hi a tam tuk ruangah le lamzin a fate ruangah an thiar nak ah ni 12 sung an rei.

Anetnak ah sangka thuah thum um vault B c ong an tum. A hmaisabik ih thirsangka cu ol ten an ong, a pahnih nak ah thing sangka tum rit ngaingai a um ih cu tla har nawnin an ong suak thei. A pathum nak ah Rul lem a cuang mi iron sangkapi pakhat an hmu suak. Hi iron sangka cu sangka pangai dang vek a si lo. A awn nak ding awmang khal zianghman a um lo ruangah awloksong in an kir sal. Hi vault B sung ah hin thilmankhung $ 1 trillion man hrawng a um ding an zum.

An thuanthu vek a si le hi iron sangka hi 16th century, King Marthandavarma san lai ih an puithiam zirsangbik in dawi phunkhat hmang in a khar mi a si ih a ong tumtu pohpoh camsiat an si ding a rak ti ruangah le a sangka siat lo te ih awndaanding an theih lo ruangah tu ni tiang zo hman ih tham lo in a um lan ta.
====================================

***Padmanabhaswamy Temple hi duhduh ih lut a theih lo. A sung luh ding cun an mai` luh nakding ih an tuahmi hnipuan hruh tengteng a ttul hlei ah Hindu biaknak biak mi si a ttul ih temple a sung, a leng, sun zaan in ralkap 200 luan in meithal keng in an kil ringring.