JANUARY 31 ZAAN AH DANGLAMZET THLAPI ASUAK DING

31 January, 2018 zaan ah tuhlan kum 150 reizo hrawng lawngih rak cangdah “super blue blood moon” danglamzet thlapi cu leitlun ram ṭhenkhat in kan hmu thei ding.

Super Blue Blood Moon ti hi pa 3 in an ṭhen.

1. Super moon
Thlapi le leilung aneihaw bik zaan hi supermoon tin an ko. Hi zaan ah thlapi a tleu pangai ai in 30% in atleucuang ih 14% in atum cuang. 2018, January 1 ah super moon voikhat asuak zo.

2.Blue moon
Blue moon hi kan relsual ṭheu. Thlapi blue color in a suak ding tinak asilo. Thlakhat ih Full moon voihnih aum mi khi Blue Moon tin an ko. January 1 ah voikhat asuakzo ih January 31 ah a fullmoon bet ding raung ah Blue moon ti`n an ko naksan asi. Asinan Southwest Texas State University pawl ih research an tuah mi ah cun kumkhat ih Full Moon 13 um sawn khi Blue Moon tiih an ko sawn mi asi an ti.

3.Blood moon
Blood moon cu kan leilung in thlapi nitleu hmuloin a phen ruangih a sen-duup deuh ih a suakmi khi Blood moon (Lunar Eclipse) tin an ko.

Himi phunthum tu January thlasung ih a cangding ruangah “super blue blood moon” tiih an ko nak asi. Western North America, East Asia le Australia ram pawl hrangah a fiangbik ding.