KAN LEILUNGPI THANTAR (International Flag Of The Planet Earth)

 

:::Leitlun ramtin in thantar (Flag) kan neicio vekin kan leilungpi khalin THANTAR a nei ve. Hi thantar hi artist Oskar Pernefeldt (Stockholm, Sweden) tuahmi a si ih tuah duh san pahnih a nei.

1. Kan leilungpi aiawh in boruak par ih um leilung dang par, kan ke kan tthum thei ni ih phun ding ah.
2. Leitlun ram hmuahhmuah hin ramri kan nei ttheh hmansehla leilung pakhat par ih um tlang kan si ti le ziangvek dinhmun ih kan ding a si khal le ttanrual ding kan si zia kan theihngilhlo nak ding duhsan in a tuah.

THANTAR DUHSAN

A sung ih um a hlum (ring) pasarih in kan leilung par ih continents 7 a um mi a ti lang.

Ring pasarih a pehawnak laifang tak ih pangpar vek a um mi in kan leilung par ih nunnak (thingkung, hrampi, minung) a um theimi a ti lang ih ring pakhat kan lak a si le a dang ring paruk pawl ziang hman an santlailo, siatral ttheh men ding an si zia a ti lang.

Blue colour in lei par ih um mi hmuahhmuah in tidai um lo in kan nungtheilo danzia le kan um nak leilungpi ih hmun tamsawn cu tidai in a khuh thluh timi a ti lang.

***Hi thantar hi official ih pom mi cu a si lo nan thantar dang an tuahmi tamzet lakih vote ngahtambik a si.