Kedam hruklo ih WorldCup rak teltum India Football Team

1948 kum London, UK ih an tuah mi Olympic football leknak ah kedam (shoes) hruk lo, ke lawng rori ih rak tel ve India football team pawl cu an lek mawi ruangah le kha san lai ih asia ram sung football lekthiambik ram an si ruangah 1950 kum Brazil ram ih an tuah dingmi WorldCup ah telve dingin FIFA in a sawm ve.

Nan hi WorldCup ih tel ding cun kedam hruk tengteng a ttul ruangah kedam hruk phah ih football lek thiamlo India football team cu an tel thei sallo.

Mihrek cun hi ttum ih India an tel sal lo nak san hi kedam hruk thiamlo ruangah siloin Brazil ram ih fehnakding cemliam a tamtuk ruangah le tthatak ih training an lak man lo ruangah a si sawn an ti nan kedam hrukthiamlo ruangih tthulhsal a si ti a zumtu an tam deuh.