ONE DIRECTION IH TEL HARRY STYLE, JAMES BOND 007 AH HRIL AN TUM

2017 suak “Dunkirk” ral film ih tel ve One Direction group ih hlasak thiam Harry Style cu film voikhat a cang nak ih a cangvai thiamtuk ruangah James Bond boss in James Bond 007 ih cang ding in a hahio zet thu mipi hnenah a sim.

A netabik 077 ṭuan Daniel Craig hi “Spectre (2015)” James Bond in a cawl ding an ti nan 2019 ih an suah dingmi 007 film ah voikhat a cangsal ding ih cuhnu in mithar hril an tum. James Bond thar an hril ding ah Harry Style hi a nauhak tuklo an ti a si cun a mah an hmang ding zum a um tiah Daniel Craig le James Bond movie sungṭuan hrekkhat cun an sim.

James Bond boss cun “Harry a film cannak “Dunkirk” ih a cangvaidaan hi di a riam zet. A voikhat film cannak rori ah hi vek ih experience neizet vekin a cangvai thei cu porh a tlak rori. Film lampang ah talent a nei rori si ko. 2022 ih James Bond thar kan zuk dingmi ah Harry kum 28 a kim ding ih James Bond mino deuh hman poi an tilo cun hmanthei dinhmun ah aum” tin media pawl hnenah a sim.