OSCAR TI`N ZIANGRUANGAH AN KO?

March 4 ih an tuah dingmi leitlun lemcangthiam pawl lawmman peknak Academy Awards (Oscars 2018) an pek dingmi hi tulai online ah a laar zet ih Oscar timi hi ziang asi ti na ruatdah ngelcel maw?

Oscar timi hi ziangruangah, ziang duhsan in an hmang tihi a phunphun in thu a um. An mah Academy of Motion Pictures Arts and Sciences khal in a cekci in an sim theilo. Mi theih laarbik pakhat cu Academy’s Executive Secretary Margaret Herrick in 1931 awards peknak ih an pekmi laksawng milem a hmu veten a thizo mi a pu “Oscar” a mangsuak ruang ih hmangṭan in an rel ih 1939 ihsin an laksawng pekmi milem cu “Oscar” ti`n official in an ko lanta.

Oscar hi sui 24-karat thawn tuahmi asi ih 13½ inches hrawng sang in 8½ pounds hrawng in a rit. A man cu £321 ($400) hrawng lawng asi nan mi ih sunlawih mi a si vekin 1999 ah Michael Jackson in Gone With The Wind producer ngah mi Oscar £1,237,50 ($1,542,000) pek in arak lei dah.