RUSSIA RAM A DAI TUK IH AN MITHMUL TIANGIN A KHAL TTHEH

Russia:::Moscow thawn 5300 km hrawng hlatnak ih um, minung um thei nak cin khau lak ih dai bik a si mi, Yakutia kiangkap cu minus 67 degrees Celsius rorin a dai ruangah tlawng an cawl ter thluh. A dai tuk ih a leng suakvak pawl cu an mithmul tiangin vur thawn a khal thluh. Kan dung zerhtawp (weekend) ah mi pahnih motor a siat ih ke in an feh ruangah a dai tuk ih an taksa khal ttheh in an thi zo.

Yakutia region hi hmundai a si cia hrimhrim vekin a kiangkap ih um tu pawl hin khuadai zianghman ah an siar vak lo. Minus 40 degrees Celsius tluk ih a dai hman ah tlawng an kai thotho nan tuttum khawsik daan cu a danglam cuang ti`n Russia local news cun a phuang.