SHAH RUKH KHAN, ELTON JOHN LE CATE BLANCHETT IN HUMAN RIGHT AWARD DONG

Leitlun mi hminthang tamzet lak ihsin Shah Rukh Khan, Elton John le Cate Blanchett pawl cun Switzerland ih an tuahmi The Annual Crystal Awards ah Upat tlak lawmman an dong.

Himi Crystal Award hi World Economic Forum hohanak in kum tinten tuahmi asi ih leitlun hmuntinkim ih um mi hminthang pawl lak ihsin miharsa bawmtu pawl an hnaṭuan sunlawihpi in lawmman peknak an tuahmi a si.

Tu ṭum hi a voi 24 nak asi ih Australia ihsin lemcangthiam Cate Blanchett in a Charity hnaṭuannak, Elton John in AIDS foundation tuahnak le Shahrukh Khan in India ram miharsa nauhak bawmnak anṭuanmi pawl sunlawih in award peknak an nei.